Inistiitiyuutichi Olaantummaa sirna haqaa mirkaneessuuf xiyyeeffannoon hojjechaa jiraachuu beeksise
Finfinnee, Mudde 8, 2017 (FMC)-Inistiitiyuutiin Leenjii fi Qorannoo Seeraa Oromiyaa (ILQSO) olaantummaa sirna haqaa mirkaneessuf xiyyeeffannoon hojjechaa jiraachuu beeksiseera.
Iistiitiyuutichi qorannoowwan gaggeessaa ture keessaa lama dhiyeessuun qooda fudhattoota waliin irratti mari’ateera.
Qo’annoowwan gaggeeffaman adabbii hojii, murti adabbii hidhaa ragaa sobaa bu’uureffachuun kennamee raawwatame keessatti mirga beenyaa argachuu miidhamaa fi sakatta’iinsa bu’aawwan giddugaleessa hojiiwwan ILQSO (Bara 2013-2015) jiru irrattii mariin gaggeeffameera.
Kaayyoon qorannichaas hanqinoota kanaan dura turan furuun fuulduraaf akeekuuf akka ta’e himameera.
Itti Aanaa Daayrektara Olaanaa Inistiitiyuutichaa Obbo Sulxaan Abdoo Inistitiyuutichi hanga bara 2016’tti qorannoowwan 85 gaggeessuun yaadoota furmaataa hedduu dhiyeessuu himan.
Baranas qorannoowwan shan gaggeessaa jiraachuu eeraniiru.
Keessumaa leenjii ogummaa seeraa cimsuu ,rakkoowwan gama seeraatiin jiran beekumsaan furuu, qorannoo fi qo’annoo seeraa gaggeessuun olaantummaa sirna haqaa mirkaneessuf xiyyeeffannoon hojjechaa jiraachus Obbo Sulxaan Abdoo dubataniiru.
Dajanuu Gonfaatu gabaase.
#Oromia #Ethiopia