Injifannoo Adwaatti fayyadamuun qormaatilee ceenee biyya cimtuu ijaaruu qabna – Injinar Ayishaa Mahaammad
Finfinnee, Guraandhala 23, 2017 (FMC) – Qormaatilee ce’uun biyya cimtuu fi badhaatuu ijaaruuf injifanoo Adwaa fayyadamuun barbaachisaa akka ta’e Ministirri Ministeera Raayyaa Ittisaa Injinar Ayishaa Mahaammad ibsan.
Guyyaan Yaadannoo injifannoo, Adwaa 129ffaan mata duree “Adwaa, Injifannoo uummta gurraachaa” jedhuun Yaadannoo Adwaatti sagantaa garagraan kabajamaa jira.
Ministirri Ministeera Raayyaa Ittisaa Biyyaa Injinar Ayishaa Mahaammad sirnicharratti argamuun ergaa dabarsaniin, tokkummaa keenya eeggachuun qoramaatilee numudatan ceenee Itiyoophiyaa fi Afrikaa cimtuu fi badhaatuu ijaaruuf injifannoo Adwaa fayyadamuu qabna jedhan.
Adwaan seenaa yaadannu qofa osoo hin taane, itti gaafatama guddaa dhaloota dhaalchisnudha kan jedhan Injinar Ayishaan, qabsoo Afrikaanonni walabummaaf gaggeessan finiinsuun injifannoo akka gonfatan gargaarus ibsan.
Ammas tokkummaa fi gootummaadhaan badhaadhina Itiyoophiyaa fi Afrikaa mirkaneessuuf cimnee haa hojjennu jechuun dhaamuu isaanii ragaan Fuula Miidiyaa hawaasummaa Raayyaa Ittisa Biyyaarraa argame ni mul’isa.
#Oromia #Ityoophiyaa