Injifannoon Adwaa eenyummaa Itiyoophiyaa mul’isuuf barnoota guddaadha – Pireezidaanti Taayyee Atsiqasillaasee

Finfinnee, Guraandhala 23, 2017 (FMC) – Injifannoon Adwaa eenyummaa Itiyoophiyaa mul’isuuf barnoota guddaa ta’uu Pireezidaantiin FDRI Taayyee Atsiqasillaaseen himan.

Guyyaan Yaadannoo injifannoo, Adwaa 129ffaan mata duree “Adwaa, Injifannoo uummta gurraachaa” jedhuun Yaadannoo Adwaatti sagantaa garagraan kabajamaa jira.

Injifannoon Adwaa Afrikaanoota hunda kan kabachiise, ummattoota Gurraachaa maraaf mallattoo kan ta’e Injifannoo Koloneeffattoota qaanesse ta’uu Pireezidaantiin FDRI Taayyee Atsiqasillaaseen sirna kabajichaarratti argamuun ergaa dabarsaniiru.

Gootummaa Itiyoophiyaanoota guddisee kan mul’isee fi hirmaannaa siyaasaa fi abshaalummaa dubartootaa kan calaqqisiise ta’uu dubbataniiru.

#Oromia #Ityoophiyaa