Interpiraayizoota oomishaan lammiilee kuma 60 fi 320’f carraan hojii uumamuun ibsame

Finfinnee, Guraandhala 6, 2017 (FBC)- Interpiraayizoota oomishaan lammiilee kuma 60 fi 320’f carraan hojii uumamuu Misoomni Interpiraayizii Itiyoophiyaa beeksise.

Hoji Raawwachiisaan Komunikeeshinii fi Hariiroo Ummataa dhaabbatichaa Obbo Roobeel Ahimad Faanaa Diiitaaliif akka ibsanitti, dandeettii oomishtummaa interpiraayizoota kanneenii guddisuuf xiyyeeffannaan hojjetamaa jira.

Haaluma kanaan interpiraayizoota kanneeniif bakka oomishaa, dhiyeessii faayinaansii fi galteewwanii milkeessuurra darbee leenjiiwwan ogummaa adda addaa kennamuu dubbataniiru.

Interpiraayizoonni kunniin oomishaalee alaa galan biyya keessatti oomishuun bakka buusuurratti xiyyeeffatanii akka hojjetaniif deeggarsi barbaachisu kennamaa akka jiru ibsaniiru.

Walakkaa bara hojii kanaattis naannoolee fi bulchiinsota magaalotaatti interpiraayizoota xixiqqaa fi giddugaleessaa kuma 1 fi 527 hundeessuun akka danda’ames eeraniiru.

Interpiraayizoota haaraa hundaa’anii fi kanneen duraan turan jajjabeessuun lammiilee kuma 60 fi 320’f carraa hojiin uumuun danda’ameeras jedhan.

Interpiraayizoonni 897 sadarkaa xiqqaa irraa gara giddugaleessaatti, 13 ammoo giddugaleessarraa gara olaanaatti ce’uu isaaniis dabalanii ibsaniiru.

Malaakuu Gaddiftu gabaase

#Oromia #Ethiopia