Israa’eel damee bishaanii fi inarjiirratti Itiyoophiyaa waliin hojjechuuf fedhii qabachuu ibsite

Finfinnee, Amajjii 27, 2017 (FMC)- Ministirri Ministeera Bishaanii fi Inarjii Injiinar Habtaamuu Ittafaan Ministira Bu’uuraalee Misoomaa fi Inarjii Israa’eel Alii Koohin waliin damee misooma inarjiirratti walta’iinsaan hojjechuuf sanada fedhii mallatteessaniiru.

Sirna waliigaltecha mallatteessuurratti Injiinar habtaamuu Ittafaan akka jedhanitti, bishaan lafa jalaa barbaaduu fi baasu, teeknooloojiiwwan dhangalaa’aa qulqulleessuu fi misooma anniisaa haareffamaa irratti, dameewwan dhaabbileen Israa’eel irratti bobba’uun hojjechuu danda’an ta’uu ibsuu ragaan ministeericharraa argame ni mul’isa.

Alii Koohin gama isaaniin, bu’uura waliigaltichaan ijaarsa dandeettii fi ce’umsa beekumsaa, misooma bishaanii fi inarjiirratti dhaabbileen Israa’eel bobba’uun bu’aa argamsiisuu akka danda’an dubbataniiru.

#Oromia #Ethiopia