Itiyoophiyaafi Aljeeriyaan dameewwan tumsaa garaagaraa irratti waliigaltee waliif mallatteessan

Finfinnee, Ebla 5, 2017 (FMC) – Itiyoophiyaafi Aljeeriyaan dameewwan tumsaa hariiroo dippiloomaasii isaanii cimsuu dandeessisan irratti waliigaltee waliif mallatteessan.

Walga’iin Waloo Ministirootaa Itiyoophiyaafi Aljeeriyaa 5ffaan Finfinneetti gaggeeffameera.

Walga’icharratti Ministira Ministeera Dhimma Alaa Dooktar Geediyoon Xiimootiwoos fi Ministira Ministeera Dhimma Alaa Aljeeriyaa Ahimad Ataaf dabalatee hoggantoonni olaanoon mootummaa biyyoota lameenii argamaniiru.

Koreen Teekinikaa Komishinii waloo biyyoota lameenis walga’ii kan gaggeesse yoo ta’u, hariiroo seena qabeessa biyyoota lameenii cimsuun dhimmoota tumsaan hojjechuu danda’an irratti mari’achuun waliigalteerra gahuu eerameera.

Dameewwan daldalaafi invastimantii, Saayinsiifi Akkaadaamii, Anniisaafi Albuudaa, Mana Maree Waloo Daldalaa, Qonnaa, Kalaqaa, Saayinsii Hawaa, Innooveeshiniifi Teeknooloojii,Fayyaafi Indaastirii Faarmaasiitikaalaa, Aadaafi Ispoortiin tumsa isaanii cimsuuf waliigalaniiu.

Waliigalteewwan kanneen Ministirri Ministeera Dhimma Alaa Dooktar Geediyoon Xiimootiwoos, Ministirri Ministeera Qonnaa Dooktar Girmaa Amanteen, Ministirri Innooveeshiniifi Teeknooloojii Dooktar Ballaxaa Mollaan, Ministirri Ministeera Fayyaa Dooktar Maqdas Dhaabaan fi Ministirri Ministeera Aadaafi Ispoortii Shawiit Shaankaan Ministira Ministeera Dhimma Alaa Aljeeriyaa Ahimad Ataaf waliin mallatteessuu TOI gabaaseera.