Itiyoophiyaafi Keeniyaan waliigaltee hariiroo daldalaa isaanii guddisuu dandeessisu mallatteessan
Finfinnee, Ebla 9, 2017 (FMC)- Itiyoophiyaafi Keeniyaan waliigaltee hariiroo daldalaa isaanii guddisuu dandeessisu waliif mallatteessaniiru.
Ministirri Ministeera Daldalaa fi Walitti Hidhamiinsa Naannawaa Dooktar Kaasaahuun Goofeen ergaa miidiyaa hawaasummaa isaaniin dabarsaniin, mariin daldala daangaarraa Itiyoo-Keeniyaa guyyaa kaleessaa jalqabame goolabamuu ibsaniiru.
Guyyaa har’aa Ministira Ministeera Daldalaa, Invastimantiifi Indaastirii Keeniyaa waliin waliigaltee hojiirra oolmaa mallatteessuu eeraniiru.
Waliigaltichi haala hariiroo daldalaa biyyoota lameenii guddisuu danda’uurratti mallattaa’uu kaasaniiru.
Uummanni naannawaa daangaa jiraatu dhiyeessii shaqaxaalee bu’uuraa rakkoo tokko malee akka argatu kan dandeessisu ta’uus himaniiru.