Fana: At a Speed of Life!

Itiyoophiyaan bakka gahumsa invastimantii akka taatuuf   dippiloomaatonni dargaggoon hojjechuu qabu jedhame

Finfinnee, Bitootessa 26, 2017 (FMC) – Dippiloomaatonni dargaggoon Itiyoophiyaan bakka gahumsa invastimantii filatamtuu akka taatuuf beeksisuu akka qaban Korporeeshiniin  Misooma Paarkiiwwan Indaastirii  gaafate.

Korporeeshinichi Ministeera Dhimma Alaafi Inistiitiyuutii Dhimma Alaa waliin ta’uun dippiloomaatota dargaggoof invastimantiifi zoonii addaa diinagdeerratti leenjii hubannoo uumuu kenneera.

Riifoormiin diinagdee mandhalee hojiirra ooleefi Itiyoophiyaan dhiyeenya Galaana Diimaafi Garba Hindiitti argamuu isheetiin invastimantiif filatamtuu akka ishee taasisu ibsameera.

Hariiroo invastimantiifi dippiloomaasii cimsuuf, carraawwan invastimantii Itiyoophiyaan qabdu bu’a qabeessa gochuuf akkasumas misooma waaraa biyyattiif akka carraaqamu ibsamuu ragaan Korporeeshinicharraa argame ni mul’isa.

Korporeeshinichi hojiilee invastimantii zooniiwwan diinagdee addaa, naannawaa daldala bilisaafi paarkiiwwan indaastirii keessatti hojjetaman guddisuuf qaamolee qooda fudhattoota waliin tumsaan hojjechaa jiraachuus ibsameera.

#Oromia #Ethiopia

You might also like

Leave A Reply

Your email address will not be published.