Itiyoophiyaan biyyoota Afrikaaf mallattoo walabummaa fi tokkummaati – bakka buutota Paartiilee

Finfinnee, Amajjii 25, 2017 (FMC) – Itiyoophiyaan biyyoota Afrikaaf mallattoo walabummaa fi tokkummaa ta’uu bakka buutonni Paartii Obboleeyyanii biyyoota garaagaraa Yaa’ii paartii Badhaadhinaa irratti hirmaachaa jiran ibsan.

Yaa’ii dhaabbatummaa Paarti Badhaadhinaa 2ffaa irratti hirmaachaa kan jiranii fi bakka buutonni paartiiwwan obboleewwan biyyoota adda addaa irraa dhufan haala amma Itiyoopjiyaan itti jirtuu fi hariiroo biyyoota isaanii waliin qabdu ilaalchisee yaada isaanii ibsaniiru.

Barreessaa olaanaan paartii Chaamaa Chaamaa Taanzaaniyaa Imaanu’eel Chiimboon walga’iicharratti ergaa dabarsaniin Itiyoophiyaan hoggansa bilchaataa Ministira Muummee Abiyyi Ahimad jalatti guddina dinagdee saffisaa galmeessaa jiraachuu himanii, biyyattiin qormaata keessatti guddinni galmeessisaa jirtu kan ajaa’absiifatamu ta’uu ibsan.

Hariiroon biyyoota lamaanii nageenyaa fi badhaadhinaa barootaaf tures hoggansa paartiiwwan lamaaniin jabaatee akka ittifufu kaasan.

Miseensi paartii kongireesii biyyaalessaa Afrikaa Kibbaa Nooksooloo Kiibeet gama isaaniin Itiyoophiyaan mallattoo walabummaa, tokkummaa fi jabinaa ta’uu ishee ibsan.

Itiyoophiyaan Afrikaa keessatti bu’uurri tokkummaa akka jabaatuu fi misoomnii fi badhaadhinni akka mirkanaa’uuf ga’ee ishaa adda durummaan ba’achaa jiraachuu dubbatan.

Hojiij badhaadhina waliigalaa biyyattii keessatti fiduuf hojiin hojjetamaa jiran kan jajamu ta’uus dubbataniiru.

Paartiiwwan lamaan ajaandaawwan misoomaa Afrikaa akka milkaa’ani, nageenyi ardichaa, misoomnii fi diimokiraasiin akka dagaaguuf waliin hojjechuu akka itti fufan ibsaniiru.

Bakka bu’aan paartii RNA Moorookoo pirofeesar Mahaammad Saadikii gama isaaniin ergaa dabarsaniinis, hariiroon biyyoota lamaanii baroota lakkoofsise mul’ata badhaadhina waloo irratti akka hundaa’e kaasanii, walitti dhufeenyi kun hammattoo kibba-Kibbaa keessatti qormaatawwan jiran waliin qolachuu akka dandeessisu dubbatan.

Dagaagina paan-Afrikaanizimiif shoora olaanaa taphachaa kan turan biyyoonni lamaan tumsi isaanii fayyadamummaa waloorratti hundaa’e jabaatee ittifufaa abdachiisan

Paartiiwwan kunniin paartii Badhaadhinaa waliin ta’uun hariiroon Itiyoohiyaa fi biyyoota isaanii sadarkaa olaanaa irra akka ga’uuf kan hojjetan ta’uu bakka bu’oonni paartilee kanneenii mirkaneessuu TOI gabaaseera.

#0romiyaa #Ethiopia