Itiyoophiyaan Dandeettii anniisaa maddisisuu ishee Meeggaa Waattii kuma 13tti guddisuuf

Finfinnee, Amajjii 21, 2017 (FBC)-Bara Faranjootaa 2028’tti Itiyoophiyaan dandeettii anniisaa maddisiisuu ishee Meeggaa Waattii kuma 13’tti guddisuuf karoorfachuu Pireezidantiin FDRI Taayyee Atsiqasillaaseen beeksisan.

Pireezidaanti Taayyeen Marii Paanaalii Yaa’ii Anniisaa Haareffamaa Afrikaa Taanzaaniyaatti gaggeeffamerratti hirmaataniiru.

Maricharratti Itiyoophiyaan naannawichatti humna elektirikii babal’isuuf xiyyeeffannaan hojjechaa jiraachuu kaasaniiru.

Bara Faranjootaa 2028’ttiis annisa haareffamaa fi maddeen garaagaraarraa elektirikii maddisiisuun dandeettii anniisaa maddisisuu ishee gara meeggaa waattii kuma 13’tti guddisuuf karoorfachuu hubachiisaniiru.

Kananis biyyoota 14 gidduutti walitti hidhamiinsa humna elektirikiin uumuuf karoorfachuun walta’iisaan hojjechaa jiraachuu dubbatan.

Itiyoophiyaan yeroo ammaa Jibuutii, Keenyaa fi Sudaniif humna elektirikii dhiyeessaa jiraachuu akeekaniiru.

Dhiyeenyattis qaama Pirojektii Elektirikii Baha Afrikaa kan ta’e sarara Keeniyaarraa gara Taanzaaniyaatti elektirikii dabarsurratti yaaliin gaggeeffamee turuu yaadachiisaniiru.

#Oromia #Ethiopia