Itiyoophiyaan hojiirra oolmaa waliigaltee Kooriidarii Jibuutii- Itiyoophiyaa-Sudaan Kibbaa-Yuugaandaaf kutannoo qabaachuu ibsite

Finfinnee, Guraandhala 21, 2017 (FMC) – Itiyoophiyaan hojiirra oolmaa waliigaltee Kooriidarii Jibuutii- Itiyoophiyaa-Sudaan Kibbaa-Yuugaandaaf kutannoo qabaachuu ibsiteetti.

Waliigalteen hundeeffama Kooriidarii Jibuutii- Itiyoophiyaa-Sudaan Kibbaa-Yuugaandaa guyyaa kaleessaa mallatteeffameera.

Waliigaltichi waljijjiirraa daldalaa naannawichaa guddisuu fi tumsa diinagdee cimsuuf murteessaa ta’uu Ministirri Ministeera Geejjibaa fi Loojistiksii Dooktar Alamuu Simeen tooramiidiyaa hawaasummaa isaaniin ibsaniiru.

Itiyoophiyaan hundeeffamni kooriidarichaa haala badhaadhina waloo mirkaneessuun ariitiin hojiirra akka ooluuf kutannoo qabaachuu eeraniiru.

Biyyoonni kunneen naannawichatti sosochiin loojistiksii akka si’atuu fi tumsa isaanii cimsuuf kan hojjetan ta’uu ibsaniiru.

#Oromia #Ethiopia