Fana: At a Speed of Life!

Itiyoophiyaan michuu murteessaa Gamtaa Awurooppaa ta’uu ibsame

Finfinnee, Bitootessa 2, 2017 (FMC)-  Itiyoophiyaan Afrikaa keessaa biyya michuu murteessaa Gamtaa Awurooppaa ta’uun itti fufuu Itiyoophiyaatti Ambaasaaddarri Gamtaa Awurooppaa Soofii Firoom Imasbargar ibsan.

Biyyoonni Miseensa Gamtaa Awurooppaa teessoo Finfinneetii qaban  waloon ibsa laataniiru.

Soofii Firoom Imasbargar, biyyoonni miseensa gamtichaa Itiyoophiyaa waliin nageenyaafi tasgabbii, shororkeessummaa ittisuu, akkasumas jijjiirama qabeenya qilleensaa ittisuurratti walitti dhiyeenyaan hojjechaa jiraachuu ibsaniiru.

Biyyoonni miseensa gamtichaa 21 Finfinneetii teessoo qabaachuu eeruun, tumsa isaanii cimsuu fi fuuladurattis waliin hojjechuuf murannoo qabaachuu kaasaniiru.

Waggoottan darbanitti biyyoonni miseensa gamtichaa Itiyoophiyaaf michuu cimoofi amanamoo ta’uun itti fufuu yaadachiisuun, wagga waggaan deeggarsa Yuuroo biiliyoona 1 ta’u kan taasisan ta’uu himaniiru.

Gamtichi waliigaltee Itiyoophiyaafi Somaaliyaa gidduutti Ankaaraatti mallattaa’e akka dinqisiifatu akkasumas waliigaltee Piritooriyaa hordofaa jiraachuufi mootummaa Itiyoophiyaa waliin walitti dhiyeenyaan hojjechaa jiraachuu eeraniiru.

Fooyyessa diinagdee gooroo Itiyoophiyaan hojiirra oolchite gamtichi kan deeggaru ta’uu kaasuun, biyyoonni miseensa gamtichaa Itiyoophiyaatti hojii invastimantiirratti hirmaachuuf fedhii argisiisuu ibsaniiru.

Maraa’ol Kadirtu gabaase.

#Oromia #Ethiophia

You might also like

Leave A Reply

Your email address will not be published.