Itiyoophiyaan walitti bu’iinsa naannawichaa furuuf tattaaffii IGAD taasisu ni deeggarti-Dooktar Geediyoon Ximootiwoos
Finfinnee, Guraandhala 7, 2017 (FMC)-Itiyoophiyaan walitti bu’iinsa naannawichaa furuuf tattaaffii IGAD taasisu akka deeggartu Ministirri Ministeera Dhimma Alaa Dooktar Geediyoon Ximootiwoos ibsan.
Dooktar Geediyoon Barreessaa Olaanaa Dhaabbata Misooma Mootummoota Baha Afrikaa (IGAD) Dooktar Warqinaa Gabayyoo waliin mari’ataniiru.
Marii isaaniin galmoonni tarsiimawoon IGAD, fedhii Itiyoophiyaa waliin kan walsiman ta’uu Dooktar Geediyoon ibsaniiru.
Itiyoophiyaan, nageenyaa fi tasgabbii naannawaa Bahaa Afrikaaf misoomaa fi walitti hidhamiinsa naannawichaaf gahee murteessaa akka qabdu kaasaniiru.
IGAD’f xiyyeeffannaa addaa akka kennuun, deeggrsa taasistu cimsitee kan itti fuftu fi itti dhiyeenyaan kan hojjettu ta’uu ibsaniiru.
Walitti bu’iisa naannawichaa furuuf tattaaffii IGAD taasisuuf deeggarsaa akka taasistus mirkaneessaniiru.
Dooktar Warqinaa Gabayyoon gama isaaniin Itiyoophiyaan waligalte haaraa IGAD raggaasisuu isheef galateeffatanii, akka biyya miseensa dhaabbatichatti deeggarsa taasistuu fi hariiroo qabdu cimsitee akka itti fuftu gaafataniiru.
#Oromia #Ethiopia