Fana: At a Speed of Life!

Itti Aanaa Barreessaan Paartii ‘All Progressives Congress’ Naayijeeriyaa Finfinnee galan

Finfinnee, Amajjii 22, 2017 (FMC) – Itti Aanaa Barreessaan Paartii All Progressives Congress ‘APC’ Naayijeeriyaa Al Hajjii Alii Buukaar Daalooriin Yaa’ii Paartii Badhaadhinaa 2ffaarratti hirmaachuuf Finfinnee galaniiru.

Al Hajjii Alii Buukaar Daalooriin wayita Buufata Xiyyaaraa Idil Addunyaa Boolee ga’an Ministira Ministeera Maallaqaa Obbo Ahimad Shideen simatamaniiru.

Yaa’ii kana irratti paartiileen obboleeyyanii biyyoota ollaa fi paartileen obboleyyanii biyyoota miseensa BRICS dabalatee biyyoota 15 irraa hoggantoonni olaanoo 43 ni hirmaatu jedhamee eegama.

Yaa’ii Idilee 2ffaan Paartii Badhaadhinaa Amajjii 23 – 25, 2017’tti Finfinneetti mata duree “Waadaarraa hanga Aadeffannaatti” jedhuun ni gaggeeffama.

#Oromiyaa #Ethiopia

You might also like

Leave A Reply

Your email address will not be published.