Iyyoobeel Tsaggaayee Dorgaa Dorgee Faanaa Lamroot injifate

Finfinnee, Mudde 19, 2017 (FMC)- Dorgommiiwwan ajaa’ibsiisoon kan irratti mul’atee fi baatiiwwan sadan darbaniif gaggeeffamaa ture dorgaa dorgeen Faanaa Laamroot Boqonnaa 18ffaan har’a xumurameera.

Haaluma kanaan dorgommii kana Iyyoobeel Tsaggaayeen 1ffaan xumuruun badhaasa Birrii kuma 400 mo’ateera.

Giruum Nabiyyuu sadarkaa 2ffaan, badhaasaa Birrii kuma 300 argateera.

Maa’ireg Haayiluu 3ffaan badhaasa Birrii kuma 200 yoo injifattu Iyyeerusaalem Asaffaa ammoo 4ffaan xumuruun baadhaasa Birrii kuma 100 injifatteetti.

Dorgaa Dorgee Faanaa Laamroot Boqonnaa 18ffaan Fulbaana 25, 2017 dorgomtoota 16’n kan eegale yoo ta’u, dorgomtoonnis torbanoota saddeetiif rammadii 2’tti qoodamuun walmorkachaa turaniiru.

Dorgommichaan torbanitti dorgomaan tokko geggeefamaa turuu fi kanneen gaggeeffamanis badhaasa Birrii kuma 5 hanga kuma 35 badhaafamaniiru.

Morkii jabaan kan irratti mul’ate dorgommii kanaarratti waliigalaan dhiirota 10 fi dubartoonni ja’a hirmaataniiru.

Faanaa Miidiyaa Koorporeeshin waliigalaan dorgomtoota hirmaatan Birrii miiliyoona 1 badhaasuu beeksiseera.

Amalawarqi Damissawutu gabaase.

#Oromia #Ethiopia