Jaappaan nageenyaa fi tasgabbii naannawichaaf gumacha Itiyoophiyaan taasiftu dinqisiifatte
Finfinnee, Guraandhala 7, 2017 (FMC)- Jaappaan nageenyaa fi tasgabbii naannawaa Gaanfa Afrikaaf gumacha olaanaa Itiyoophiyaan taasiftu kan dinqisiifattu ta’uu ibsite.
Ministir Deetaan Ministeera Dhimma Alaa Amabaasaddar Misganuu Argaan Ministira Ittaanaa Paarlaamantarii Dhimma Alaa Jaappaan Eerii Arfiyaa waliin dhimmoota gamlamee, naannawaa fi Idil Addunyaarratti mari’ataniiru.
Marichaan, Ambaasaaddar Misgaanuun, Itiyoophiyaatti fooyya’iinsi diinagdee hojiirra oolaa jiru carraalee invastimantii bal’aa kan uumuu waan ta’eef, dhaabbileen Jaappaan Itiyoophiyaatti hojiilee invastimantiirratti akka bobba’an gaafataniiru.
Itiyoophiyaan nageenyaa fi tasgabbii naannawichaaf tattaaffii taasisaa jirtu cimsitee akka itti fuftu ibsaniiru.
Jaappaan Itiyoophiyaa waliin hariiroo seena qabeessaa qabduun, damee diinagdeen daran cimsitee akka itti fuftuu fi deeggarsa misoomaa taasistu akka cimsitu gaafataniiru.
Eerii Arfiyaa gama isaaniin Itiyoophiyaan nageenyaa fi tasgabbii naannawichaaf biyya murteessituu ta’uu kaasanii, gumaacha olaanaa taasisaa jirtus Jaappaan ni dinqisiifatti jedhan.
Biyyi isaaniis hariiroo damee hedduu Itiyoophiyaa waliin qabdu daran cimsitee akka itti fuftu mirkaneessuu ragaan Ministeera Dhimma Alaarraa argame ni mul’isa.
#Oromia #Ethiopia