Jala bultiin Baallii Gadaa Booranaa 72ffaan sagantaalee adda addaan kabajamaa jira
Finfinnee, Guraandhala 29, 2017 (FMC) – Jala bultiin walharkaa fuudhiinsa Baallii Gadaa Booranaa 72ffaan sagantaalee adda addaan kabajamaa jira.
Jilli Keeniyaa Bulchaa Kaawuntii Marsaabit Abbaa Mahmud Aliin durfamu sirnicharratti hirmaachuuf magaalaa Yaaballoo galeera.
Hawaasa Oromoo biyyoota ollaa lamaan keessa jiraatan gidduu daangaa bulchiinsaa malee daangaa sirna Gadaa akka hin jirre jilichi ibseera.
Walharkaa Fuudhinsa Baallii Gadaa Booranaa 72ffaa sababbeeffachuun mariin Paanaalii Mooraa Yuunivarsiitii Booranaatti gaggeeffamaa jira.
Marii kanarrattii anga’oonni Mootummaa Naannoo Oromiyaa, Abbootiin Gadaa, Hayyoonnii fi qaamoleen hawaasaa argamaniiru.
Kululaa Garbichaafi Asteer Geetahuntu gabaase.
#Oromia #Ethiopia