Jijjiiramichi Poolisii Federaalaaf bara ka’umsaati – Komiishinara Jeneraalaa Dammallaash Gabramikaa’el
Finfinnee, Bitootessa 24, 2017(FMC) – Jijjiiramni biyyaalessaa Poolisii Federaalaaf bara ka’umsaa ta’uu Komiishinarri Jeneraalaa Poolisii Federaalaa Dammallaash Gabramikaa’el ibsan.
Poolisin Federaalaa Itiyoophiyaa guyyaa jijjiirama biyyaalessaa Bitootessa 24 sagantaalee garaagraan kabajaa jira.
Saganticharratti Komishinaricha dabalatee hoggantoonni olaanoo biroon argamaniiru.
Jijjiiramichi Poolisii Federaalaaf bara ka’umsaa ta’uu Komiishinar Dammallaash dubbatanii, bara jijjiiramaa kana keessa Poolisii federaalaan hojiiwwan milkaa’oon hedduun hojjetamuu himaniiru.
Humna namaan, teeknooloojii ammayyeessuun, gurmaa’insaan, hojimaataa fi fuuldura hubatanii hojjechuurratti hojiin haaromsaa hojjetamuus dubbachuu isaanii TOI gabaaseera.
Dandeettiin yakka ittisuu fi yakka qorachuu poolisootaas cimuu ibsaniiru.