Kaay Haavartiiz dorgommii waggichaan alaa ta’uu akka danda’u eerame

Finfinnee, Guraandhala 5, 2017 (FMC)- Lammiin Jarmanii fi taphataan sarara gidduu Kilaba Arsenaal Kaay Haavartiiz miidhama irra ga’een dorgommii waggichaan alaa ta’uu akka danda’u eerameera.

Shaakalaa taasisuuf kilaba isa waliin gara Duubaay kan imale taphatichi miidhama maashaa isaarra ga’een hanga xumuraa bara dogommichatti kilaba isaa tajaajiluu akka hindandeenye ibsameera.

Taphataan sarara gidduu Kilaba Arseenaal kun hanqina ga’umsa kubbaa gara galchiitti jijjiiruu agarsiisuun deeggartootaan danuu qeeqamus, ga’umsa gaariirratti kan argamuu Arsenaaliif taphataa murteessaa ta’uun beekama.

Taphattoota isaa miidhaamaan dhabaa kan jiru Arsenaal taphatoonni sarara qarqaraa Bukaayoo Saakaa fi Gabireel Maartiineel,akkasumas taphata sarara fuulduraa Gabireel Jeesuus miidhama isaan mudateen hanga ammatti dirreetti deebi’uu akka hindandeenye The Athletic gabaaseera.

#Oromia #Ethiopia