Kantiibaa Adaanech guyyaa Dubartootaa idil addunyaa sababeeffachuun ergaa baga geessanii dabarsan
Finfinnee, Guraandhala 29, 2017 (FMC) – Kantiibaan Bulchiinsa Magaalaa Finfinnee Aadde Adaanech Abeebeen guyyaa Dubartootaa idil addunyaa sababeeffachuun ergaa baga geessanii dabarsaniiru.
Aadde Adaanech ergaa gama miidiyaa hawaasummaa isaaniin dabarsaniin, guyyaa durbatoota addunyaa bara kanaa wayita kabajnu hojiilee fayyadamummaa dubartootaa hundagaleessa mirkaneessuu dandeessisan hangam milkeessine, piroojektoota jireenya dubartootaa jijjiiran meeqa xumurre, dubartoota hammam fayyadamoo taasifne akkasumas dubartoota dursi isaaniif malu hangamiif dursa kennuun gochaan mirkaneessine jechuunii fi injifannoowwan dabalataa biroof ofii qopheessuudha jedhan.
Fayyadamummaa dubartoota magaalichaa mirjaneessuuf hojiileen hojjetaman bu’aa argamsiisaniiru jedhan.
Gahumsa dubartootaa caalmaatti gabbisaa, milkaa’inoota hanga ammaatti argaman cimsuun fayyadamummaa caalmaaf ciminaan hojjechuu kan itti fufan ta’uu Aadde Adaanech ibsaniiru.