Kantiibaa Adaanech Jiraattoonni Magaalaa Finfinnee Namuusa Itiyoophiyummaan Keessummoota akka simatan waamicha dhiyeessan

Finfinnee, Guraandhala 4, 2017 (FMC) – Kantiibaan Magaalaa Finfinnee Aadde Adaanech Abeebeen Jiraattoonni Magaalichaa Namuusa Itiyoophiyummaan Keessummoota akka simatan waamicha dhiyeessaniiru.

Aadde Adaanech gama miidiyaa hawaasummaa isaaniin ergaa dabarsaniin,‘Finfinneen hirmaattota Yaa’ii Gamtaa Afrikaa 38ffaa gara biyya Duree, ka’umsa Paan Afrikaanizimii akkasumas fakkeenya bilisummaa uummata gurraachaa hundaa fi boonsituu kan taate gara Itioophiyaa baga nagaan dhuftan’jedhan.

Finfinneen akkuma maqaa ishee Abaaboo fi haaraa taatee miira simannaa keessummaa dinqisiisaan isin keessummeessuuf qophaa’uu ibsan.

Jiraattonni Magaalichaa namuusa Itiyoophiyummaan Keessummoota akka simataniis waamicha dhiyeessaniiru.

Keessummoonni turtiin Finfinneetti taasisaan milkii guutuu fi gammachiisaa akka ta’uuf hawwii gaarii qaban ibsaniiru.

#Oromia #Ethiopia