Keessummoonni Yaa’ii Idilee 38ffaa Gamtaa Afrikaa waa’ee Itiyoophiyaa hubannoo gahaa akka argatan taasifame – TKM

Finfinnee, Guraandhala 9, 2017 (FMC) – Tajaajilli Kominikeeshinii Mootummaa haala waliigalaa Yaa’ii idilee Gamtaa Afriikaa 38ffaa ilaalchisuun ibsa kenneera.

Keessummoonni Yaa’ii Idilee 38ffaa Hoggantoota Gamtaa Afrikaa waa’ee Itiyoophiyaa odeeffannoo fi hubannoo akka argatan taasifamuu ibsaniiru.

Hojiin misoomaa Finfinneetti hojjetamaa jiru biyyoota Afriikaaf fakkeenya ta’uu Ministir Deetaan tajaajilichaa Obbo Tasfaahuun Gobozaayi ibsaniiru.

Muhaammad Alii Yusuuf dura taa’aa Komiishinii Gamtaa Afriikaa akkasumas Pireezidaantiin Angoolaa Zyiwoo Maanu’eel Goonsaalvees Dura Taa’aa Gamtaa Afrikaa 2025 ta’uun filamuu eeraniiru.

Hoggantootni Afriikaafi keessummoonni hojiilee misoomaa magaalaa Finfinneetti hojjetamaa jiran daawwachuun muuxannoo qooddachuu ibsan.

Nagaafi tasgabbii Ardii Afrikaa ilaalchisees wal dhabdee fi walitti bu’iinsa biyyoota Afrikaa keessatti mudatu furuuf manni maree nagaa fi tasgabbii Gamtichaa akka hojjetu himan.

Yaa’ichi riifoormii dhaabbilee Gamtaa Afrikaa guddina ardichaa fuula duratti ceesisuu danda’u irratti mari’achuu dubbataniiru.

Yaa’iin idileen Gamtaa Afrikaa haala gaarii ta’een ta’amaa jiraachuu eeraniiru.

Yaa’ichi akka milkaa’u qooda fudhattoonni garaagaraa tumsa taasisuu ibsaniiru.

#Oromia #Ityoophiyaa