Konkolaattota annisaa haareffamuun hojjetan baay’isuun sharafa alaa ba’u xiqqeessuu barbaachisa- Doktar Alamuu simee
Finfinnee, Bitootessa 3, 2017 (FMC) – Ministirri Ministeera Geejjibaa fi Loojistiksii Doktar Alamuu Simee Konkolaattota annisaa haareffamuun hojjetan baay’isuun sharafa alaa boba’aaf ba’u xiqqeessuu akka barbaachisu ibsaniiru.
Ministeerri Geejjibaa fi Loojistiksii Ministeera Indaastirii waliin ta’uun Wixinee tarsiimoo Sadarkaa biyyaaleessaa Konkolaatoota Annisaa Elektirikaa fayyadamanii qopheessuu beeksiseera.
Yeroo ammaa guutummaan guutuutti gara kanatti seenuuf gufuuwwan tokko tokko jiraachuu eeranii, seerota hammatoo fi hojimaatota tokko tokko qopheessuun akkasumas magaalota irratti wiirtuulee chaarjii babal’isuun hojiiwwan itti aanan ta’uus dubbataniiru.
Zaman Bayyanaatu gabaase