Lakkooftuuwwan Ismaartii kuma 100 fi kuma 25 sadarkaa biyyaalessaatti bakka buusuuf ni hojjetama -TEI

Finfinnee, Mudde 18, 2017 (FBC)- Maammiltoonni bakka jiran ta’anii salphaatti humna elektirikii guutataniif hojiin lakkooftuuwwan Ismaartiin bakka buusuu hojjetamaa jiraachuu Tajaajilli Elektirikii Itiyoophiyaa beeksise.

Pirojektichi marsaa lamaan akka hoiirra oolu kan ibse tajaajilichi, marsaa jalqabaan lakkooftuuwwan duraanii kuma 25 Finfinneetti jijjiiruuf karoorfameen hanga ammaatti lakkooftuuwwan Ismaartii kuma 1 fi 600 jijjiiruun akka danda’ame eereera.

Baatiiwwan sadan dhufan lakkooftuuwwan kuma 10 jijjiiruuf hojjetamaa akka jiru eeruun, waliigalaan lakkooftuuwwan kuma 500 kan jijjiiraman ta’uun ibsameera.

Yeroo ammaa bittaan lakkooftuuwwanii raawwatamuun biyya keessa akka galan taasifamuu himeera.

Pirojekticha marsaa 2ffaan sadarkaa biyyaalessaatti lakkooftuuwwan duraanii kuma 100 fi kuma 25 haaraan bakka buusuuf kan hojjetamu ta’uu beeksiseera.

#Oromia #Ethiopia