Lammiileen Kumni 100 fi kumni 60 ol hojiif biyya alaatti bobbaafamuun ibsame

Finfinnee, Mudde 11, 2017 (FMC)-Baatiiwwan shanan darban lammiileen kumni 100 fi kumni 60 ol karaa seera qabeessaan hojiif biyyoota garaagaraatti bobbaafamuu Ministeerri Hojii fi Ogummaa beeksise.

Ministir Deetaan Ministeerichaa Solomoon Kaasaan akka ibsanitti, biyyoota garaagaraa waliin waliigaltee gamlamee mallatteessuun, mirga, kabajaa fi nageenyi lammiilee akka eegamuuf hojjetamaa jira.

Haaluma kanaan gabaa barbaaduu, biyyoota adda baasuu fi waliigaltee gamlamee raawwachuun lammiileen carraa hojii seera qabeessaa akka argatan taasifamaa jiraachuu eeran.

Fedhii hojii biyyoota garaagaraa jiru adda baasuun, lammiilee ga’umsa qabanii fi dorgomtoota ta’an horachuuf leenjiin kennamaa akka jirus himaniiru.

Dhaabbilee biyyoota garaagaraa ja’a waliin waliigaltee gamlamee raawwachuun bobbiin hojii biyya alaa hojjetamaa jiraachuu kaasuun, bara baajatichaatti lammiileen hojiif biyya alaatti bobbaafaman kuma 100 fi kuma 60 qaqqaabuu dubbataniiru.

Lammiileen sirna hojii biyya alaa seeraa qabeessaa hordofuun deemuu akka qaban hubachiisanii, faddaaltotaan gowwoomfamuun seeraan ala biyya alaa ba’uun dhaamaatii fi du’aaf saaxilamuu kan hordofsisu ta’uurraan, lammiileen balaa akkanaarraa of eeggachuu akka qaban akeekuu TOI gabaaseera.

#Oromia #Ethiopia