Luusiwwan tapha deebii gulaallii Waancaa Afrikaan har’a gita isaanii Ugaandaa waliin taphatu

Finfinnee, Guraandhala 19, 2017 (FMC) – Gareen Kubbaa Miilaa Dubartootaa Biyyaalessaa Itiyoophiyaa har’a gita isaa Ugaandaa waliin tapha deebii ni taphata.

Har’a waaree booda sa’aatii 9:00 eegalee Finfinnee Istaadiyeemii Abbabaa Biqilaatti morkiin taasiisan ni eegama.

Tapha marsaa jalqabaa Guraandhala 14, 2017 Ugaandaa Kaampaalaatti taphatameen Luusiwwan galchii 2 fi 0n injifatamuun kan yaadatamuudha.

Luusiwwan marsaa itti aanutti darbuuf har’a garaagarummaa galchii 2 fi isaa oliin injifachuutu irraa eegama.

Tapha waancaa Kubbaa Miilaa Dubartootaa Afrikaa 16ffaa qopheessummaa Moorookoon bara Faranjootaa 2026 taphatamurratti biyyoonni 12 kan hirmaatan ta’uu ragaan Konfedereeshinii Kubbaa Miilaa Afrikaarraa argame ni mul’isa.

#Oromia #Ethiopia