Magaalaa Shaggaritti hirmaannaa abbootii qabeenyaan keellaan fayyaa ijaarame eebbifame
Finfinnee, Mudde 13, 2017 (FMC)- Bulchiinsa Magaalaa Shaggaritti Hirmaannaa abbootii qabeenyaan keellaan fayyaa ijaarame eebbifameera.
Magaalaa Shaggar Kutaa Magaalaa Galaan Guddaatti Keellaan Fayyaa Waatoo Birri Miiiyoona 13’n ijaarame bakka Kantiibaan Magaalaa Shaggar Dooktar Tashoomaa Addunyaa argamanitti eebbifameera.
Sirna eebbichaarratti Dooktar Tashoomaan, Magaalaan Shaggaritti hirmaannaa ummataa fi baajata mootummaan dhaabbilee fayyaa dabaluun fayyaa hawaasa magaalattii mirkaneessuuf hojjechaa jiraachuu eeraniiru.
Keellaan Fayyaa har’a hojii jalqabsiifame kunis hanqina dhaabbilee fayyaa magaalichaa furuuf ni gumaacha jedhan.
Itti Gaafatamaan Waajjira Fayyaa Magaalaa Shaggar Obbo Abarraa Botoree gama isaaniin Magaalaa Shaggaritti hojiin ijaarsa dhaabbilee fayyaa fayyadamummaa hawaasa akkaataa mirkaneessuun hojjatamaa jiraachuu kaasaniiru.
Bulchituun kutaa Magaalaa Galaan Guddaa Boggee Kennee fayyadamummaa uummataa mirkaneessuuf abbootiin qabeenya gahee isaaniirraa eegamu akka bahatan gaafachuu ragaan kominikeeshinii kutaa magaalicharraa argame ni mul’isa.
#Oromia #Ethiopia