Magaalonnii fi baadiyyaan Oromiyaa pilaanii isaan gituun akka hogganaman hojjetamaa jira-Inistitiyuuticha

Finfinnee, Guraandhala 13, 2017 (FMC)- Magaalonnii fi baadiyyaan Oromiyaa pilaanii isaan gituun akka hogganaman xiyyeeffannaa olaanaan hojjetamaa jiraachuu Inistiitiyuutiin Pilaanii Magaaloota Oromiyaa beeksise.

Waltajjiin Leenjii hubannoo uumuu Labsii Pilaanii Magaaloota Naannoo Oromiyaa Magaalaa Adaamaatti gaggeefama jira.

Itti Aanaan Daayirektaraa Olaanaa fi Hogganaan Damee Humna Magaalotaa Inistitiyuutichaa Obbo Taarraqeny Abduljabbaar, magaalonnii fi baadiyyaan Oromiyaa hundi pilaanii isaan gituun hogganamuun, jiru fi jireenya hawaasaf mijaatoo akka ta’an xiyyeeffanoon hojjetamaa jiraachuu himaniiru.

Labsii Pilaanii Magaaloota Oromiyaa fi qajeelafama qophii fi hojiirra oolmaa pilaanii haaromee irratti hubannoo uumuun rakkoolee pilaanii fi hojjirra oolmaa pilaaniin walqabate hawaasa mudatuu furuuf kan garagaruu ta’uu dubbatan.

Labsiin Pilaanii magaaloota Oromiyaa Caffee Oromiyaan ragga’ee hojiirra oolaa kan jiru yoo ta’u, qajeelfamni qophii fi hojiirra oolmaa haaromees, Inistiitiyuutii Pilaanii Magaaloota Oromiyaan mirkanaa’e hojii irra ooluu eegaluu yaadachiisaniiru.

Feenan Nuguseetu gabaase.

#Oromia #Ethiopia