Manni Maree Miidiyaalee Ajandaalee Marii Biyyaalessaa komishinichaaf dhiyeesse

Finfinnee, Amajjii 29, 2017 (FMC)-Manni Maree Miidiyaalee Ajandaalee marii biyyaalessaan irratti mari’ataman Komishinii Marii Biyyaalessaaf dhiyeesse.

Sirna walharkaa fuudhinsaarratti Komishinarri Olaanaa Koomishinichaa Pirofeesar Masfiin Ar’ayaan, manni maree miidiyaalee, kaayyoon komishinichaa akka milkaa’u deeggarsa olaanaa taasisaa jira jedhan.

Hawaasni waa’ee hojii komishinichaa odeeffannoo akka argatu fi ajandaalee dhaabbilee miidiyaa qindeessee kennuusaatiif mana marichaa galateeffataniiru.

Manni marichaa adeemsa marii fuulduraa irrattis komishinicha waliin tumsaan akka hojjetu waamicha taasisaniiru.

Walitti Qabaan Mana Marii Miidiyaalee Itiyoophiyaa Obbo Amaaree Aragaawii gamasaaniin, manni marichaa dhaabbileen miidiyaa naamusaan ogummaa qaban horachuuf kan kaayyeeffate ta’uu dubbataniiru.

Ajandalee mata durewwan jahatti qoodaman rakkoolee bu’uraa biyyattii akkasumas industirii miidiyaa furan mana marichaan qophaa’uusaanii ibsaniiru.

Manni marichaa dhimmoota marii biyyalessaan walqabatan ummataan qabsiisuuf xiyyeeffannoon hojjechuu kan itti fufu ta’uu mirkaneessuu ragaan komishinicharraa argame ni mul’isa.

#Oromia #Ethiopia