Meesuut Ooziil dirree siyaasaatti makame

Finfinnee, Guraandhala 17, 2017 (FMC) – Taphataan duraanii Arsenaal Meesuut Ooziil dirree siyaasaatti makamuun ibsame.

Riyaal Maadridii fi Arsenaaliif taphachaa kan ture Meesuut Ooziil addunyaa siyaasaatti makamuu ifoomseera.

Meesuut Ooziil Paartii Turkii Bulchutti makamuu SKY Sport gabaaseera.

Ga’eessi umrii waggaa 36 Ooziil hariiroo cimaa Pireezidaantii Turkii Rasiip Xaayib Eerdohaan waliin qabuun qeeqamaa tureera.

Sababa kanaan Bara Faranjootaa 2018 garee Kubbaa Miilaa Biyyaalessaa Jarman keessaa of baasuun kan yaadatamuudha.

Yeroo ammaas Miseensa Paartii AK ta’uutu himame.

Meesuut Ooziil Kilaboota Gurguddoo Awurooppaa keessatti taphataa kan turee fi Garee Kubbaa Miilaa Biyyaalessa Jarman waliinis Waancaa Addunyaa fudhateera.

#Oromia #Ethiopia