Miidiyaaleen amantii barsiisa amantiin cinaatti nageenya waaressuuf ga’ee olaanaa qabu jedhame

Finfinnee, Guraandhala 12, 2017 (FMC) – Miidiyaaleen amantii barsiisa amantiin cinaatti nageenya waaressuuf, Waldanda’uu fi walooma cimsuuf ga’ee olaanaa qabaachuun Abbaan Taayitaa Miidiyaalee Itiyoophiyaa beeksiise.

Waggoota sadan darbanitti miidiyaaleen amantii 43 beekamtii qaama seeraa argachuu isaanii abbaan taayitichaa himeera.

Miidiyaaleen odeeffannoo waayitawaa fi sirrii ta’e uummataaf dhiyeessuu, beeksisuu, barsiisuu fi bashannansiisuun lammiileen yaada isaanii walabummaan ibsachuuf mirga heera mootummaan qaban hojiirra akka oolchaniif kan gargaaran ta’uus ibaniiru.

Ilaalchotaa fi yaadawwan adda addaa keessummeessuun sirni diimokiraasiia akka gabbatuufi waliigalteen biyyaalessaa uumamuuf ga’ee guddaa qabaachuu Itti Aaanaan daayrktera Olaanaa Abbaa Taayitichaa Yoonaataan Tasfaayeen himaniiru.

Kanaan dura miidiyaalee amantiin beekamtii argachuun cimaa akka tures yaadachiisanii, miidiyaaleen kunneen amma beekamtii argachuun isaanii hojii raawwatan kamifuu murteessaa ta’uu ibsan.

Barsiifata mataa isaanii yoo qabaatanis dhimmi nagaa lallabuu murteessaa waan ta’eef hojii isaanii keessatti mul’achuu akka qabu hubachiisuu TOI gabaaseera.

#Oromia #Ethiopia