Ministirri Inarjii, Albuudaafi Humna Haaromfamaa Aljeeriyaa Finfinnee galan
Finfinnee, Bitootessa 15, 2017(FMC)- Sadarkaa Ministira Muummee Itti Aanaatti Ministirri Ministeera Inarjii, Albuudaafi Humna Haaromfamaa Aljeeriyaa Mahaammad Arkaab Finfinnee galaniiru.
Mahaammad Arkaab wayita Buufata Xiyyaaraa Idil- Addunyaa Boolee gahan Ministir Deetaan Ministeera Dhimma Alaa Ambaasaaddar Burtukaan Ayyaanoon simataniiru.
Turtii isaaniin, haala biyyoonni lameen tumsa dameewwan inarjii, albuudafi humna haaromfamaan qaban cimsuu danda’anirratti hoggantoota garaagaraa waliin ni mari’atuun kan eegamu ta’uu ragaan Ministeera Dhimma Alaarraa argame ni mul’isa.