Fana: At a Speed of Life!

Mirgoota Namoomaaf dursa kennuun shororkeessummaarratti duuluun barbaachisaa ta’uun ibsame

Finfinnee, Amajjii 14, 2017 (FMC) – Mirga namoomaa fi olaantummaa seeraaf dursa kennuun haaloota shororkeessummaa cimsan furuuf hojjechuun kan barbaachisu ta’uu Itti Aantuun Barreessaa Olaanaa Dhaabbata Mootummoota Gamtoomanii Amiinaa Mohaammad ibsan.
Yaa’ii Mana Maree Nageenyaarratti haasawaa taasisaniin, shororkeessummaan yeroo ammaa misoomaa fi nageenya Afrikaa irratti karaa hundaan balaa geessisaa jiraachuu kaasaniiru.
Keessumaa shororkeessummaan walqabatee namoota du’an keessaa % 59 kan biyyoota Afrikaa Sahaaraa gadii ta’uus ibsaniiru.
Waggoottan sadan darbanittis naannawaa Sahaaraa keessatti namoonni Kuma 6 ol shororkeessummaan walqabatee lubbuu isaanii dhabuu fi kunis sadarkaa addunyaatti kan raawwatamu keessaa walakkaa ol ta’uus eeraniiru.
Kun akkanaan itti fufnaan carraan Lixa Afrikaa gara fuula duraa balaa cimaa keessa jiraachuus akeekkachiisaniiru.
Gartuuleen shororkeessitootaa Diroonota dabalatee humna isaanii tekinooloojiin cimsachaa maallaqa, humna namaa fi beekumsa qooddachuun waltumsaa jiraachuus dubbataniiru.
haaluma kanaan mirga namoomaa fi olaantummaa seeraaf dursa kennuun haalota shororkeessummaa dhaadhessaniif furmaata barbaaduuf hojjetamuu qabas jedhan.
Komishinarri Dhimmoota Siyaasaa, Nagaa fi Tasgabbii Gamtaa Afrikaa Baankoolee Addeyyoo gama isaaniin, bara Faranjootaa 2024tti Wirtuu Farra Shororkeessummaa Gamtichaa Aljersitti argamu irratti miidhaawwan kuma 3 fi 400 ta’an aggaamamuu yaadachiisanii, kanaanis lubbuun mamoota kuma 13 olii darbuu dubbachuu isaanii “Africa News” gabaaseera.
Masarat Awwaqeetu gabaase.
You might also like

Leave A Reply

Your email address will not be published.