Misoomni kooridarii sochiin tiraafikaa nagaanyi isaa mirkanaa’e akka uumamu taasiseera-Dooktar Alamuu Simee

Finfinnee, Guraandhala 11, 2017 (FMC)-Itiyoophiyaan hojiileen misooma kooriidarii hojjechaa jirtuun sochiin tiraafikaa nageenyi isaa mirkanaa’e akka uumamu taasiseera jedhan Ministirri Ministeera Geejjibaa fi Loojistiksii Dooktar Alamuu Simeen.

Koonfiraansiin Ministirootaa Nageenyaa Daandii Idil Addunyaa 4ffaan Morookoo Maaraakaashitti mata duree “Commit to life” jedhuun gaggeeffamaa jira.

Koonfiraansicharratti Dooktar Alamuu Simeen, Itiyoophiyaan misooma kooriidariin bu’uuraalee misoomaa daandii, bulchiinsa tiraafikaa, geejjibaa ummataa qindaa’aa fi muddama tirafikaa uumamu irratti fooyya’iinsa olaanaa argisiisuu ibsaniiru.

Amala konkolaachistootaa, hanqina teekinikaa konkolaattotaa, bu’uuraaleen misoomaa daandii gahaan Afrikaa keessaa jiraachuu dhabuu fi dogoggoraa imaltoota miilaan, rakkoo tiraafika akka umamuuf ka’umsa jedhan.

Balaa tiraafikaa hir’isuuf seerota ba’an hojiirra oolchuu, bu’uuraalee misoomaa daandii nageenyummaan isaanii mirkanaa’e babal’isuu fi uummata hirmaachisuun barbaachisaa ta’uu dubbataniiru.

Balaa tiraafikaa hir’isuuf murteessuu fi tokkummaan haa hojjennu jechuu wamichaa dabarsuu ragaan ministeerichaarraa argame ni mul’isa.

#Oromia #Ethiopia