Fana: At a Speed of Life!

Mootummaan garaagarummaa kamuu mariin furuu fi araara akka filannnoo nageenyaa ijootti fudhachuun hojjechaa jira – TKM

Finfinnee, Amajjii 9, 2017 (FMC) – Mootummaan garaagarummaa kamuu mariin furuu fi araara akka filannnoo nageenyaa ijootti fudhachuun hojjechaa jiraachuu Tajaajilii Kominikeeshinii Mootummaa beeksise.

Ministirri Tajaajila Kominikeeshinii Mootummaa Dooktar Laggasaa Tulluun haala yeroo ilaalchisee ibsa kennaniiru.

Naannoo Gaambeellaa fi Beenishaanguul Gumuzitti haalli nageenyaa caalmaatti fooyya’aa jiraachuu kaasaniiru.

Qaamoleen hidhannoon so’achaa turan waamicha nageenyaa fudhachuun galaa jiraachuu hordofee Naannoo Oromiyaa fi Amaaraatti haalli nageenyaa fi tasgabbii fooyya’aa jiraachuu dubbataniiru.

Haa ta’uutii iddoolee tokko tokkotti ammas yaaliin hojiilee misoomaa gufachiisuu kan mul’atu ta’uu himuun, mootummaan nageenyicha caalmaatti waareessuuf hojjechaa jiraachuu Dooktar Laggasaan ibsaniiru.

Mootummaan sirna cabsiinsa siyaasa kaleessaa suphuu fi badhaadhina biyyattii caalmaatti mirkaneessu ijaaruuf xiyyeeffannoon hojjechaa jira jechuun eeraniiru.

Hidhattonni waamicha nageenyaa fudhachuun galan leenjii haaromsaa fudhachaa jiraachuu himaniiru.

Hojiin hidhattoota duraanii kanneen deebisanii dhaabuu xiyyeeffannoo addaan ni hojjetama jedhan.

#Oromia #Ethiopia

You might also like

Leave A Reply

Your email address will not be published.