Naannawaan Daldala Walabaa Dirre Dhawaa imala badhaadhinaa akka tumsuuf xiyyeeffannoon hojjetamaa jira jedhame

Finfinnee, Amajjii 17, 2017(FMC) – Naannawaan Daldala Walabaa Dirre Dhawaa imala badhaadhinaa biyyattiif keessatti gumaacha irraa eegamu akka ba’uuf xiyyeeffannoon hojjetamaa jiraachuu Hojii Raawwachiisaa Olaanaan Korporeeshinii Misooma Paarkiiwwan Indaastirii Dooktar Fissahaa Yittaaggasuu ibsan.

Biyyattiin damee naannawaa daldala bilisaa keessatti bakka dorgommii fi filatamaa ta’uuf cimtee hojjechaa jiraachuu kaasaniiru.

Har’a invastaroota torba daldala galtee fi al-ergii, loojistikii, fi damee tajaajilaa irratti bobba’aniif bakki kenname qaama xiyyeeffannaa kanaa akka ta’es himaniiru.

Invastarootnni 13 hafanii fi gaaffii walfakkaataa dhiyeessan yeroo dhiyootti deebii akka argatanis ibsaniiru.

Sagantaan har’aa damee oomishaa, akkasumas damee tajaajila, loojistikii fi daldalaa naannichaa keessatti hojiin akka deebi’ee eegaluuf kan mirkaneessu ta’uus ibsaniiru.

Hojiin dameewwan kanneeniin hojjetamu bal’inaafi dorgomtummaa naannawaa Daldala bilisaa akka dabalu gochuun harkifannaa fi baasii jijjiirraa buufata Doonii Jibuutii irratti mul’atu akka dhabamsiisus ibsaniiru.

#Oromiyaa #Ethiopia