Nageenya waaraan mirkaneessuuf duudhaa sirna Gadaa fayyadamuun barbaachisaadha – Qorattoota

Finfinnee, Bitootessa 3, 2017 (FMC) – Nageenya waaraan mirkaneessuuf tattaaffiilee eegalaman duudhaa sirna Gadaan tumsuun barbaachisaa ta’uu Qorattoonni Sirna Gadaa ibsan.

Walharkaa fuudhiinsi Baallii Gadaa Booranaa Marsaa 72ffaan Areeroo Gooroo Ardaa Jilaa Badhaasaatti raawwatameera.

Abbootiin Gadaa Booranaa Baallii fudhatan tattaaffii mootummaan nageenya waaressuuf taasisu kan tumsan ta’uu ibsanii turan.

Duudhaa Gadaa nageenya waareessuu, misoomaa fi walummaaf oolchuun murteessaa ta’uu Hayyoonni sirna Gadaarratti qorannoo gaggeessanii fi Jaarsoliin biyyaa ibsaniiru.

Yuuniversiitii Naannoo Oromiyaatti Barsiisaa Aadaa fi qorataan Fooklorii Leeniin Quutoon Gadaan Nageenya ibsa jedhan.

Sirna Gadaa madda diimookiraasii ta’uu kaasaniiru.

Nageenyaa waaressuuf duudhaa fi Aadaan Gadaa faayidaa olaanaa qabaachuu kaasaniiru.

Duudhaalee sirna Gadaa keessa jiran seeraan tumsuun nageenyaa fi misooma waaraa mirkaneessuuf fayyadamuun murteessaa ta’uu dubbataniiru.

Sirni Gadaa ijaarsa Diinagdee fi misooma Hawaasummaaf shoora cimaa qabaachuu Yuuniversiitii Jimmaatti Barsiisaa fi Qorataan Aadaa Oromoo Dooktar Darajjee Fufaan eeraniiru.

Akka biyyaatti tattaaffii nageenyaa fi misooma waareessuuf taasiifamaa jiru keessatti Gadaa fayyadamuun murteessaa ta’uu eeruu TOI gabaaseera.

#Oromia #Ethiopia