Obbo Adam Faaraah Ankaaraa galan
Finfinnee, Guraandhala 15, 2017 (FMC) –Sadarkaa Ministira Muummee Itti Aanaatti Itti Gaafatamaan Giddugala Qindeessa Ijaarsa Sirna Diimookiraasii fi Pireezidaantii Itti Aanaan Paartii Badhaadhinaa Obbo Adam Faaraah Yaa’ii Paartii Turkii ‘AK’ irratti hirmaachuuf Turkii Ankaaraa galuun ibsame.
Obbo Adam Faaraah Wayita Turkii gahan Qondaaltoonni Olaanoo Paartii Turkii ‘AK ‘ fi Turkiitti Ambaasaaddarri Itiyoophiyaa Adam Mahaammad dabalatee hoggantoonni Embaasicha simataniiru.
Paartichi Borurraa eegalee Yaa’ii waliigalaa kan gaggeessu yoo ta’u, Paartiin Badhaadhinaas affeerraa Paarticharraa dhiyaateen Obbo Adam Faaraah bakka Buusuun kan hirmaatu ta’uu ragaan Paartii badhaadhinaarraa argame ni mul’isa.
Yaa’ii 2ffaa Paartii Badhaadhinaa Finfinneetti gaggeeffamerratti Pireezidaantiin Itti Aanaa Paartii ‘AK’ hirmaachuun ni yaadatama.