Obbo Adam Faaraah qaamolee Seerri Aadaa Heer Iseen UNSECOtti akka galmaa’uu gumaacha qaban galateeffatan

Finfinnee, Amajjii 17, 2017(FMC) – Pireezidaantii Itti Aanaan Paartii Badhaadhinaa Obbo Adam Faaraah qaamolee Seerri Aadaa Heer Iseen Dhaabbata Saayinsii, Barnootaa fi Aadaa Mootummoota Gamtoomaniitti akka galmaa’uu gumaacha qaban hunda galateeffatan.

Seerri aadaa hinbarreeffamin hawaasa Isaa Somaalee “Heer Isee” jedhamuun beekamu walitti hidhamiinsaa fi obbolummaa ummattoota Itiyoophiyaa, Soomaaliyaa fi Jibuutii kan jabeessu ta’uun ibsameera.

Qaamolee Heer Isee’n Dhaabbata Aadaa, Saayinsii fi Barnootaa Mootummoota Gamtoomaniitti hambaa kiliyaa idil-addunyaa dhala namaa bakka bu’u ta’ee akka galmaa’uuf gumaachaniif sagantaan galateeffannaa fi beekamtii kennuu magaalaa Dirre Dhawaatti gaggeeffamaa jira.

Seerri Aadaa Heer Iseen beekamtii argachuun aadicha sirnaan kunuunsuun dhalootaaf dabarsuu fi guddina Tuurizimii saffisiisurra darbee walitti hidhamiinsa hawaasummaa fi guddina diinagdee biyyoota ollaa cimsuuf faayidaa olaanaa qabaachuu Obbo Adam Faaraah saganticharratti argamuun ergaa dabarsaniin ibsaniiru.

Adeemsa Hambaa kana galmeessuu keessatti qooda nurraa eegamu bahuu danda’uun keenya Paartiin Badhaadhinaa fi Mootummaan Itiyoophiyaa kabaja hambaaleef qaban agarsiiftuudha jedhan.

Yeroo itti aanus Paartiin Badhaadhinaa fi mootummaan Itiyoophiyaa hambicha hawaasaaf faayidaa malu kennuu akka danda’u kunuunsa isaarratti murannoon kan hojjetu ta’uu mirkaneessaniiru.