Obbo Aganyahu Tashaagar mana maree Federeeshinii Raashiyaarraa Badhaasa Niishaanii badhaafaman

Finfinnee, Guraandhala 12, 2017 (FMC) – Af yaa’iin Mana Maree Federeeshinii Obbo Aganyahu Tashaagar gahee guddina dimookiraasii paarlaamentawaaf gumaachaniif Mana Maree Federeeshinii Raashiyaarraa badhaasa kabajaa Niishaanii badhaafamaniiru.

Badhaasicha kan kennan Af-yaa’iin Mana Maree Federeeshinii Raashiyaa Vaalaatiinaa Maativeenkoo, badhaasichi lammiilee Biyya isaanii fi biyyoota alaa guddina diimokiraasii paarlaameentawaaf gumaacha olaanaa gumaachaniif kan kennamu ta’uu ibsaniiru.

Badhaasni guddaan kun kan kennamus Kutaa Mana Maree Federeeshinii Raashiyaan yoo murtaa’e qofa ta’uu dubbataniiru.

Obbo Aganyahu badhaasa kana argachuu isaaaniif baga gammaddan jedhaniiru.

Af-yaa’iin Mana Maree Federsshinii FDRI Obbo Aganyahu Tashaagar gama isaaniin badhaasa kennameef Mana Maree Federeeshinii Raashiyaa galateeffatanii, guddina federeeshinii paarlaameentaawaaf caalmaatti akka hojjetan kan isaan onnachiisu ta’uu ibsaniiru.

Badhaasni Kabajaa Niishaanii kun Itiyoophiyaan erga sirna Federaalaa hordofuu jalqabdee as af-yaa’ii mana marichaaf yoo kennamu isa jalqabaa ta’uus ragaan mana Marichaa irraa argame ni mul’isa.

#Oromia #Ethiopia