Oromiyaatti dargaggoota miiliyoona 1.3’f carraan hojii uumamuun liqiin Birrii biiliyoona 2.8 mijeeffamuun ibsame

Finfinnee, Guraandhala 2, 2017 (FMC)- Naannoo Oromiyaatti baatiiwwna ja’an darban Oromiyaatti dargaggoota miiliyoona 1.3’f carraan hojii uumamuun liqiin Birrii biiliyoona 2.8 mijeeffamuun ibsame.

Caffeen Oromiyaa Yaa’ii Idilee 8ffaa waggaa 4ffaa bara hojii 6ffaa gaggeeffamaa jira.

Yaa’icharratti Pireezidaantiin Mootummaa NaanoO oromiyaa Shimallis Abdiisaan gabaasa raawwaii baatiiwwanja’an darbanaii dhiyeessaniin, magaalonnii calaqqee badhaadhinaa fi guddina diinagdee naannoof bu’uura akka taa’an xiyyeffannan hojjetama akka jiru kaasaniiru.

Kallattii tarsiimawaa magaalomsuu mootummaan kaa’ameen, hojii qonna magaalaa wabii nyaataa jiraattotaa magaalaaf mirkaneessuu cinaatti, qaala’iinsa jireenyaa tasgabbeessuu fi carraa hojii uumuuf akka gumaachuuf hojjetamaa turuu yaadachiisan.

Haaluma kanaan kilaastaroota beelladaa kuma 39 ijaaruun horsiisa loon aannanii, furdisa loonii, horsiisaa lukkuu, booyyee fi qurxummiif oolchuun danda’ameera.

Dabalataan kilaasataroonni indastirii godoo kuma 7 fi 374 hojiitti akka galan taasifamuu dubbataniiru.

Hojii dhabdumma magaalaa fi baadiyaatti mul’atuu hir’isuuf carraa hojii dhaabii miiliyoona 1.3 uumuun akka danda’amee ibsaniiru.

Daraggoonni hojii dhaabbiirratti bobba’anis bu’aa qabeessa akka ta’aniif pirojektiiwwan deeggarsaa garaagaraa qophaa’uu himanii, liqiin Birrii biiliyoona 2.8 mijeessuun akka danda’me dubbataniiru.

#Oromia #Ethiopia