Oromiyaatti Egzibishiniin guddaan imalan waggoottan 7’n darbanii agarsiisu har’a eegala
Finfinnee, Bitootessa 25, 2017 (FMC) – Bitootessa 24 sababeeffachuun Egzibiishiiniin guddaan Imala Mootummaa Naannoo Oromiyaa waggoottan 7’n darbanii agarsiisu Magaalaa Finfinnee Giddu Gala Aadaa Oromootti har’a eegala.
Egzibiishinichi Biiroo Komnikeeshiinii Oromiyaan kan qophaa’e yoo ta’u sekteraaleen Naannoo Oromiyaa hundi imala isaanii waggoottan 7n darbanii ni dhiyeessu jedhame.
Bulchiinsi Magaalaa Shaggaris hojiiwwan gurguddoo qabatee ni dhiyaata.
Egzibiishiinichi guyyoota sadiif kan turu yoo tahu, hoggantoota olaanoo Federaalaafi Naannoo, hojjettoonni mootummaafi qaamoleen hawaasaa garaagaraa ni argamu.