Fana: At a Speed of Life!

Oromiyaatti gamaaggamni raawwii hojii paartii fi mootummaa gaggeeffamaa jira

Finfinnee, Amajjii 27, 2017 (FMC)-Gamaaggamni raawwii hojii paartii fi mootummaa Naannoo Oromiyaa kurmaana 2ffaa bara 2017 Magaalaa Adaamaatti gaggeeffamaa jira.

Waltajjicharratti Pireezidaantii Mootummaa Naannoo Oromiyaa Shimallis Abdiisaa dabalatee qondaaltonni mootummaa naannichaa argamaniiru.

Obbo Shimallis Abdiisaa haasawaa taasisaniin galmoonni imala badhaadhinaa kutannoo hooggansaa fi hirmaannaa hawaasaa cimaa ta’een dhugooma jedhaniiru.

Hojiilee fayyadamummaa hawaasaa mirkaneessuuf eegalamaniin milkaa’ina argame itti fufsiisuu fi qormaatilee muudatan maqsuuf xiiqiif qophaa’ummaa ol’aanaadhaan hojjachuun murteessaa ta’uu akeekaniiru.

Itti Gaafatamaan Waajjira Paartii Badhaadhinaa Damee Oromiyaa Obbo Kafaaloo Tafarraa gama isaaniin, waltajjichi cimina fi hanqinaalee raawwii hojii keessatti mul’atan adda baasuudhaan injifannoo caalmaaf kan qophaa’amudha jedhaniiru.

Raahmaa Ahimaditu gabaase.

#Oromia #Ethiopia

You might also like

Leave A Reply

Your email address will not be published.