Fana: At a Speed of Life!

Paarkiiwwan Bashannana Ummataa lammiilee kuma 5’f carraa hojii uumaan

Finfinnee, Amajjii 29, 2017 (FMC) – Magaalaa Finfinneetti Paarkiiwwan Bashannana Ummataa 27 misooma Koriidariin ijaaramuu Korporeeshiniin Bulchiinsa Iddoolee Bashannana Ummataa magaalichaa ibseera.

Korporeeshiniin Bulchiinsa Iddoolee Bashannana Ummataa Paarkilee Bashannana ummataa Mootummaa fi dhaabbilee garaagaraan misoomaan fudhachuun tajaajila barbaachisu akka kennu hojjechaa jiraachuu Hojii Raawwachiiftuu Olaantuun Koorporeeshinichaa Aadde Natsaannata Dhaabaan ibsaniiru.

Koorporeeshinichi hanga ammaatti Paarkilee Bashannana Ummataa misooma Koriidariin misoomaa 27 fudhachuu eeraniiru.

Paarkilee haaraa Misooma Koriidariin uumamanii fi buleeyyii haaromsuun tajaajilaaf mijitaa taasiisuuf xiyyeeffannoon hojjetamaa jiraachuu himaniiru.

Waliigala akka magaalichaatti Paarkoonni Bashannana Ummataa 57 jiraachuu dubbataniiru.

Baatiwwan jahan darban keessa lammiileen kumni 500 ol Paarkiwwan kanneen daawwachuu himaniiru.

Walakkaa waggaa kanatti galiin Birriin miiliyoonni 60 walitti qabamuu fi lammiilee kuma 5 oliif carraan hojii uumamuu Aadde Natsaannat eeruu TOI gabaaseera.

Paarkiwwan muraasan ala hedduun isaanii bilisaan kan daawwataman ta’uu ibsaniiru.

#Oromia #Ethiopia

You might also like

Leave A Reply

Your email address will not be published.