Paartichi hojiiwwan fayyadamummaa ummataa mirkaneessan hojjechaa jiraachuun ibsame

Finfinnee, Guraandhala 16, 2017 (FMC)–Paartiin Badhaadhinaa carraalee jiranitti fayyadamuun hojiiwwan misoomaa fayyadamummaa ummataa mirkaneessan hojjechaa akka jiru Pireezidaantiin Naannoo Afaar Obbo Awwal Arbaan ibsaniiru.

Konfiransiin Ummataa murtoowwanii fi Kallattiiwwan yaa’ii 2ffaa Paartii Badhaadhinaa irratti xiyyeeffate Magaalaa Bishooftuutti taa’ameera.

Waltajjicharratti Obbo Awwal Arbaan akka jedhanitti, Paartichi carraalee gaarii jiranitti fayyadamuun hojiiwwan fayyadamummaa ummataa mirkaneessaa hojjechaa hiraa jedhaniiru.

Misooma kooriidarii dabalatee hojiileen misoomaa magaalaa Bishooftuutti hojjetamaa jiran fayyadama ummataa kan mirkaneessan akka ta’e ibsanii, fuuldurattis qabeenya jiru misoomsuun, misooma guddina biyyaa fi fayyadama ummataaf oolan irratti xiyyeeffachuun akka hojjetu mirkaneessaniiru.

Itti Gafatamaan Damee Ijaarsa Sirna Dimokiraasii Paartii Badhaadhinaa Mallasee Alamuun gama isaaniin, paartii cimaa ijaaruun, seenessa biyyaalessaa cimsuun, hojii ijaarsa nageenyaa waaraa cimsuun kallattii fuulduree ta’uu ibsaniiru.

Misooma dinagdee si’achiisuun, hojiiwwan badhaadhinaa hawaasummaa mirkaneessan itti fufsiisuun kan gaggeeffaman ta’uu himaniiru.

Kallattiiwwan yaa’ii 2ffaan kaa’aman hojiileen dhalootaaf darban kan itti hojjetaman ta’uu himaniiru.

Kantiibaan Magaalaa Bishooftuu Alamaayyoo Asaffaa hojiileen misoomaa namarratti xiyyeeffatan carraa hojii uumuu, Invastimantii fi dhiheessii oomishaa fi gaaffilee ummataa deebisaa akka jiran dubbachuu TOI gabaaseera.

#Oromia #Ethiopia