Paartichi lammiilee yaada moo’ataatti amanan uumaa jira jedhame

Finfinnee, Guraandhala 8, 2017 (FMC)- Paartiin Badhaadhinaa lammiilee biyyasaanii jaallatan, hiyyummaa injifatan, birmadummaa biyyaa eeganii fi yaada moo’ataatti amanan uumurratti bal’inaan hojjechaa jiraachuu Itti Gaafatamaan Damee Siyaasaa fi Ijaarsa Dandeettii Waajjira Paartii Badhaadhinaa Damee Oromiyaa Obbo Namarraa Bulii.

Obbo Namarraa Buliin Yaa’ii Paartii Badhaadhinaa gaggeeffamee ilaalchisuun ibsa miidiyaaleef kennaniiru.

Paartiin badhaadhinaa yaa’ii isaatiin hanqinaa fi cimina garaagaaraa turan qorachuu eeraniiru.

Yaa’ichaan paartichi yaadota gaggaariitti amanuun itti fufsiisuu akka qaban, dogoggora darban sirreessuutti kan amanu ta’uu himan.

Paartii Badhaadhinaa paartii sabaa fi sablammoota hunda keessummeessu fi Itiyoophiyummaatti amanu ta’uus himaniiru.

Gama dippiloomaasiitiin faayidaa biyyattiif dursa kennuun rakkoolee karaa nagaa hiikuun hojiiwwan guguddaan hojjetamuu eeranii, ijaarsa seenessa waloo giddu galeessa taasifachuun sabaafi sablammoonni ijaarsa biyyaa keessatti gahee walqixa qabaachuu himaniiru.

Paartichi ilaalcha fiinxaalessummaa dhimma tokko qofa giddugaleessa taasifatu fudhatama dadhabsiisuun, seenessi waloo ijaaramuu akka qabu dubbataniiru.

Paartichi lammiilee biyyasaanii jaallatan, hiyyummaa injifatan, birmadummaa biyyaa eeganiifi yaada moo’ataatti amanan uumuurratti hojjechaa akka jiru ibsaniiru.

Tasfaayee Ijjiguutu gabaase.

#AU #Oromia #Ethiopia