Paartiin Badhaadhinaa guddina biyyaalessaa eegalame ariifachiisuuf hojjechaa jiraachuu ibse
Finfinnee, Bitootessa 24, 2017(FMC) – Paartiin Badhaadhinaa sirna madaallii bu’aa qabeessa diriirsuun guddina biyyaa eegalame ariifachiisuuf hojjechaa jiraachuu Sadarkaa Itti aanaa Ministira Muummeetti Itti gaafatamaan Giddugala Qindeessa Ijaarsa Sirna Diimookiraasiifi Pireezidaantii Itti aanaan Paartii Badhaadhinaa Obbo Adam Faaraah ibsan.
Hoggantoonniifi hojjettoonni Waajjira Paartii Badhaadhinaa guyyaa injifannoo Bitootessa 24 kabajaniiru.
Kabaja guyyichaa cinaattis hoggantootaafi hojjettootaaf leenjiin sirna madaallii bu’aa qabeessa diriirsuurratti xiyyeeffate gaggeeffameera.
Sirna madaallii ifaafi ulaagaalee qabatamaa irratti hundaa’e, ragaalee madaallii waqtaawaafi qulqullina qaban galteef kan fayyadamu, hirmaachisaa, sirna duubdeebii fooyya’iinsa walitti fufiinsa qabu kan fiduufi sirna komii dhiyeeffannaa kan qabu diriirsuuf xiyyeeffannoo addaan hojjetamaa jiraachuu eeraniiru.
Paartiin Badhaadhinaa sirna madaallii bu’aa qabeessa diriirsuun guddina akka biyyaatti eegalame ariifachiisuuf hojjechaa jiraachuu kaasanii, sirna madaallii bu’aa qabeessa ergama, karooraafi raawwii giddugaleeffate hojiirra oolchuun imala badhaadhina hundagaleessa mirkaneessuuf eegalle ariifachiisuuf gahee olaanaa qaba jedhan.
Hoggantoonniifi miseensonni sadarkaan jiran hojiirra oolmaa isaaf gaheesaanii bahachuu akka qaban hubachiisaniiru.
#Oromia #Ethiopia