Paartiin Badhaadhinaa murtoowwan Yaa’ii 2ffaan darban irratti hawaasa Dippiloomaasii waliin mari’ate

Finfinnee, Guraandhala 18, 2017 (FMC)- Paartiin Badhaadhinaa yaa’ii 2ffaa isaan murtoowwan darbarsee fi kallattiiwwan akeekaman irratti hawaasa dippiloomaasii teessoon isaanii Finfinnee ta’e waliin mari’achaa jira.

Itti Gaafatamaan Damee Hariiroo Ummataa fi Idil Addunyaa Paartichaa Dooktar Biqilaa Hurrisaan akka ibsanitti, paartichi yaa’ii 2ffaa geggeesseen murtoowwan fayyadamummaa lammiilee guddisan dabarseera.

Mariin har’aas murtoowwan kennamanii fi kallattiiwwan akeekaman irratti hawaasa dippiloomaasii fi dhaabbilee Idil Addunyaaf odeeffannoo gurmaa’e kennuuf akka ta’e ibsaniiru.

Ajandaalee ijoo waloon irratti hojjechuun danda’amurratti waliigalteerra ga’uuf marichi gumaacha olaanaa akka qabu eeraniiru.

Daayrektarri Hariiroo Idil Addunyaa Waajjira Olaanaa Paartichaa Nabiyyuu Sihuul, yaa’ii idilee 2ffaa paartichaa fi kallattiiwwan akeekaman irratti ibsa kennaniiru.

Hoggansa paartichaan dameewwan hundan milkaa’inni galmaa’uu eeranii, nageenya waaraa mirkaneessuu, nyaataan of danda’uu akkasumas raawwii ijaarsa pirojektootaa fakkeenyummaan kaasaniiru.

Fuuldurattis, ijaarsa paartii cimaa, seenessa waloo tokkummaa cimsan uumuu, hojiilee ijaarsa nageenya waaraa cimsuu ilaalchisee kallattiiwwan kaa’amuun hojiitti seenamuu dubbachuu ragaan Paartii Badhaadhinaarraa argame ni mul’isa.

Damee diinagdeen hanga ammaatti milkaa’inaalee galmaa’an itti fufsiisuun baranaarraa eegalee itti fufiinsaan guddina %8.4 galmeessuuf galmi qabamuu ibsaniiru.

#Oromia #Ethiopia