Paartiin Koministii Chaayinaa Yaa’ii 2ffaa Paartii Badhaadhinaaf ergaa hawwii gaarii fi deeggarsaa dabarse

Finfinnee, Amajjii 24, 2017 (FMC)- Paartiin Koministii Chaayinaa Yaa’ii 2ffaa Paartii Badhaadhinaa ilaalchisuun ergaa hawwii gaarii fi deeggarsaa dabarseera.

Xalayaan Koree Giddugaleessaa Paartii Koministii Chaayinaa (CPC) irraa ergame, hoggantummaa Paartii Badhaadhinaan guddina hundaa galeessaa Itiyoophiyaatti galmaa’aa jiruuf dinqisifannaa isaa ibseera.

Chaayinaan hariiro gamlameecimsuuf kutannoo qabaachuu mirkaneesseera.

Paartiin Badhaadhinaa guddinaa Itiyoophiyaaf mijataa fi daandiilee ammayya’oo akka hordofamuuf gahee olaanaa bahachaa jirachuu kaasuun, hojiirra oolmaa fooyyessii diinagdee mandhaleen jireenya lammiilee fooyyessuu, sagantaa Ashaaraa Magariisaan eegumsa naannawaa cimsuu, marii biyyaalesssaaf qophii duraa xumuruu fi guddina hawaasummaa gama cimsuutiin bu’aaleen galmaa’an olaanaa ta’uu eereera.

Milkaa’inaaleen kunneen Itiyoophiyaa “Fakkeenyaa Badhaadhinaa Afrikaa” taasisuu ibseera.

Waggoottan itti aanaan paartichi gara “Milkaa’ina haaraa fi caalutti” akka ceesisu amantaa qabu ibsuun, walta’iinsa cimaa biyyoota lameen gidduu akka cimus mirkaneesseera.

Dureewwan paartilee lamaan duraan waliigaltee irra ga’an hojiirra oolchuun barbaachisaa ta’uu kaaseera.

Fuuldurattis walta’iinsa Chaayinaa damee hundaan babal’isuu fi haala kamuu keessatti tumsi tarsiimawaa hinraafamne daran akka cimuuf waamicha dhiyeesseera.

Yaa’iin 2ffaa Paartii Badhaadhinaa kallattii fuulduree diinagdee fi siyaasaa Itiyoophiyaa kan bocuu fi galmoota misoomaa biyyaalessaa kan akeeku ta’uu amantaa qaban Paartichi eeruun, milkaa’inaa yaa’ichaaf hawwii gaarii qabuu ibseera.

#Oromia #Ethiopia