Pireezidaanti Puutiin, Tiraamp waliin mari’achuuf qophii ta’uun himame
Finfinnee, Amajjii 15, 2017 (FMC) – Pireezidaantiin Raashiyaa Vilaadmiir Puutiin, Pireezidaantii Ameerikaa Doonaald Tiraamp waliin bilbilaan mari’achuuf qophii ta’uu Kireemliin beeksise.
Raashiyaan Tiraampi waliin mari’achuuf deebii Waashiingitan eegaa jiraachuu Dubbii Himaan Kireemliin Diimiitirii Peeskoov ibsaniiru.
Pireezidaantiin Ameerikaa Doonaaldi Tiraampi Raashiyaan waraana Yukreen saffisaan akka dhaabduu fi meeshaalee Niwukileerii akka hir’istu Puutiin waliin mari’achuuf fedhii qabaachuu ibsuun kan yaadatamuudha.
Kana hordofee Pireezidaanti Puutiin, Tiraampi waliin mari’achuu kan barbaadan ta’uu Kireemliin beeksisuu Reuters gabaaseera.
Qaamoleen lamaan fuulaa fuulaan wal arguun mari’achuun dura yeroo kamittuu bilbilaan mari’achuuf qophii ta’uu fi deebii Waashiingitan eeggachaa jiraachuu Peeskoov ibsaniiru.